ரி-20 தொடரை வெல்லப் போவது யார்? இந்தியா- இங்கிலாந்து மோதல்!

இந்தியா மற்றும் இங்கிலாந்து அணிகளுக்கிடையிலான ஐந்தாவதும் இறுதியுமான ரி-20 போட்டி, இரசிகர்கள் மத்தியில் பெரும் எதிர்பார்ப்பை தூண்டியுள்ளது.

அஹமதாபாத் மைதானத்தில் இன்று (சனிக்கிழமை) நடைபெறவுள்ள இப்போட்டியில், இந்தியா அணிக்கு விராட் கோஹ்லியும் இங்கிலாந்து அணிக்கு ஓய்ன் மோர்கனும் தலைமை தாங்கவுள்ளனர்.

ஐந்து போட்டிகள் கொண்ட இந்த ரி-20 தொடரில், இதுவரை நடைபெற்று முடிந்துள்ள நான்கு போட்டிகளின் அடிப்படையில் இரு அணிகளும் தலா 2 வெற்றிகளை பதிவுசெய்துள்ளன.

ஆகவே இன்றைய போட்டியில் வெற்றிபெற்று தொடரை கைப்பற்றும் முனைப்பில் இரு அணிகளும் களத்தில் போராடவுள்ளன.

எதுஎவ்வாறாயினும் இப்போட்டி வெற்றி, தோல்வி இரசிகர்களுக்கு உச்ச விறுவிறுப்பை பரிசளிக்கும் என்பதில் எவ்வித ஐயமும் இல்லை. எனவே போட்டியின் முடிவினை எதிர்பார்த்து காத்திருப்போம்.