யாழ். றோயல் அணி 3 விக்கெட்டினால் வெற்றி

ஞானம் பெயின்ரஸ் சம்பியன் கிண்ணத் துக்கான துடுப்பாட்டத் தொடரில் யாழ்.றோயல் அணி,3 விக்கெட்டினால் வெற்றி பெற்றது.

சனிக்கிழமை சென்.பற்றிக்ஸ் கல்லூரி மைதானத்தில் இடம் பெற்ற ஆட்டத்தில் யாழ்.றோயல் அணியை எதிர்த்து சுண்டுக்குளி ஈகிள்ஸ் அணி மோதிக் கொண்டன.

நாணயச் சுழற்சியில் வெற்றி பெற்ற சுண்டுக்குளி ஈகிள்ஸ் அணி துடுப்பெடுத்து விளையாடத் தீர்மானித்தது. அதற்கமைய முதலில் துடுப்பெடுத்தாடிய சுண்டுக்குளி ஈகிள்ஸ் அணி 19.5 ஓவர்களில் 8 இலக்குகளை இழந்து 105 ஓட்டங்களை பெற்றுக்கொண்டது.

இதில் அன்புஐன் 36 ஓட்டங்களையும் பிரிந்தாபன் 28 ஓட்டங்களையும்பெற்றுக் கொடுத்தனர்.

பந்துவீச்சில் யாழ்.றோயல் அணி சார்பில் , பிரசன்னா, பிரிய லக்சன், ஆகியோர் தலா 3 விக்கெட்டுக்களை, வீழ்த்தினர். பதிலுக்கு 106ஓட்டங்களைப் பெற்றால் வெற்றியென பதிலுக்கு துடுப்பெடுத்து விளையாடிய யாழ்.றோயல் அணியினர் 17.5 ஓவர்களில் 7 விக்கெட்டுக்களை இழத்து 106 ஒட்டங்களைப் பெற்றது.

இதில் கெளதமன் 31 ஓட்டங்களையும், சந்தோஸ் 23 ஓட்டங்களையும், பெற்றுக் கொடுத்தனர்.

பந்து வீச்சில் சுண்டுக்குளி ஈகிள்ஸ் அணி சார்பில் யதுஷன் 3 விக்கெட்டுக்களையும், கஐனான் 2 விக்கெட்டுக்களையும் வீழ்த்தினர். ஆட்டநாயகனாக யாழ்.றோயல் அணி வீரர் பிரசன்னா தெரிவானார்.