ஒருநாள் கிரிக்கெட்டுக்கான புதிய தரவரிசை பட்டியல் வெளியிடப்பட்டுள்ளது.
இந்த பட்டியலை சர்வதேச கிரிக்கெட் கவுன்சிலான ஐசிசி வெளியிட்டுள்ளது.
அதன்படி துடுப்பாட்ட வீரர்கள் பட்டியலில் இந்திய கிரிக்கெட் அணித்தலைவர் விராட் கோஹ்லி முதலிடத்தில் நீடிக்கிறார்.
ரோகித் சர்மா இரண்டாவது இடத்திலும், பாகிஸ்தானின் இளம் வீரர் பாபர் அசாம் மூன்றாவது இடத்திலும் உள்ளனர.
இந்த பட்டியலில் நியூசிலாந்து வீரர் கேன் வில்லியம்சன் 6வது இடத்துக்கு முன்னேறியுள்ள நிலையில் அவுஸ்திரேலியாவுக்கு எதிரான தொடர்பில் சிறப்பாக செயல்பட்ட இங்கிலாந்தின் ஜானி பார்ஸ்டோ 10வது இடத்துக்கு முன்னேறியுள்ளார்.
துடுப்பாட்ட வீரர்கள் பட்டியலில் இலங்கை அணியின் ஏஞ்சலோ மேத்யூஸ் 35வது இடத்திலும், குசல் மெண்டீஸ் 45வது இடத்திலும் உள்ளனர்.
