பிளாஷ்பேக் 2020: டோனி ஓய்வு முதல் ஒலிம்பிக் ஒத்திவைப்பு வரை முக்கிய விளையாட்டு நிகழ்வுகள்

ஜன.1 – செர்பியாவில் பிறந்த மாடல் அழகியும், பாலிவுட் நடிகையுமான தனது நீண்டகால தோழி நடாசா ஸ்டான்கோவிச்சை கரம் பிடிப்பதாகவும், நிச்சயதார்த்தம் நடைபெற்றதாகவும் ஹர்திக் பாண்ட்யா அறிவிப்பு.

 

ஜன.1. ஐசிசி நான்கு நாள் டெஸ்ட் திட்டத்திற்கு இங்கிலாந்து கிரிக்கெட் போர்டு ஆதரவு

 

ஜனவரி 2: U-19  உலக கோப்பையில் சிறப்பாக செயல்பட்ட மன்ஜோத் கல்ரா வயது மோசடி காரணமாக ரஞ்சி போட்டியில் விளையாட தடைபெற்றார்.

ஜன. 3-ந்தேதி- நியூ சவுத் வேல்ஸ் காட்டுப் பகுதியல் புதர்கள் எரிந்து காட்டுத்தீயாக மாறி சிட்னி நகர் புகை மண்டலமாக காட்சி அளித்தது. இதனால் ஆஸ்திரேலியா – நியூசிலாந்து டெஸ்ட் போட்டி சிட்னியில் தொடங்குமா? என்ற கேள்வி எழுந்தது, இறுதியில் போட்டி நடத்தப்பட்டது.

 

ஜனவரி 5: நியூசிலாந்தில் நடைபெற்ற உள்ளூர் கிரிக்கெட் போட்டியில் இடது கை பேட்ஸ்மேன் ஜோ கார்ட்டர்  6 பந்தில் 6 சிக்ஸ் விளாசி சாதனைப் படைத்தார்.

 

ஜனவரி 6: சிட்னி டெஸ்டில் 2-வது இன்னிங்சில் ராஸ் டெய்லர் 22 ரன்கள் சேர்த்து ஆட்டமிழந்தார். 20 ரன்னைக் கடந்த போது நியூசிலாந்து பேட்ஸ்மேன்களில் அதிக ரன்கள் குவித்தவர் பட்டியலில் முதல் இடத்தில் இருந் ஸ்டீவன் பிளமிங்கை (7172) பின்னுக்குத் தள்ளினார்.

 

ஜனவரி 7: யூரோப்பியன் சாம்பியன்ஸ் லீக், யூரோப்பியன் நேஷன்ஸ் லீக், உலக கோப்பை, கிளப் உலக கோப்பை, கோபா டெல் ரே, யூரோ தகுதிச் சுற்று, உலக கோப்பை தகுதி சுற்று, லா லிகா, பிரிமீயர் லீக், செர்ரி ஏ என 10 தொடர்களில் ஹாட்ரிக் கோல் அடித்து கிறிஸ்டியானோ ரொனால்டோ சாதனை.

 

ஜனவரி 7: நான்கு நாள் டெஸ்ட் போட்டிக்கு தென்ஆப்பிரிக்கா ஆதரவு

 

ஜனவரி 8: செனகல் நாட்டைச் சேர்ந்த சேடியோ மானே, முகமது சாலாவை பின்னுக்கு தள்ளி 2019-ம் ஆண்டுக்கான  ஆப்பிரிக்கா கால்பந்து வீரர் விருதை வென்றுள்ளார்.

 

ஜனவரி 12: ஆக்லாந்து கிளாசிக் தொடரில் செரீனா வில்லியம்ஸ் பதக்கம் வென்றார். 2017-ம் ஆண்டு குழந்தை பெற்ற பின் அவர் வென்ற முதல் பதக்கம் இதுவாகும்.

 

ஜனவரி 20; போர்ட் எலிசபெத்தில் நடைபெற்ற தென்ஆப்பிரிக்கா அணிக்கெதிரான ஆட்டத்தில் ஜோ ரூட் 28 ரன்கள் விட்டுக்கொடுத்தது டெஸ்ட் கிரிக்கெட் வரலாற்றில் அதிக ரன்கள் விட்டுக்கொடுத்த பந்து வீச்சாளர்கள் வரிசையில் இணைந்தார்.

 

ஜனவரி 21: தென்ஆப்பிரிக்கா டி20 கிரிக்கெட் அணியின் கேப்டனாக நியமிக்கப்பட்டிருந்த நிலையில் குயிண்டான் டி காக் ஒருநாள் கிரிக்கெட் அணியின் கேப்டனாகவும் நியமிக்கப்பட்டார்.

 

ஜனவரி 26: அமெரிக்காவின் பிரபல கூடைப்பந்தாட்ட வீரர் கோப் பிரையன்ட் இன்று காலை இடம்பெற்ற ஹெலிகொப்டர் விபத்தில் பலியாகியுள்ளார். இதில் கோப் பிரையன், அவரது 13 வயது மகள் ஜியானா, கூடைப்பந்து பயிற்சியாளர் கிரிஸ்டினா உள்ளிட்ட 9 பேரும் உடல் கருகி உயிரிழந்தனர். இந்த சம்பவம் உலகையே அதிர்ச்சிக்குள்ளாக்கியது.

 

ஜனவரி 29: தென்ஆப்பிரிக்காவில் நடைபெற்ற போட்டியில் 87.86 தூரத்திற்கு ஈட்டி எறிந்ததன் மூலம் டோக்கியோ ஒலிம்பிக் போட்டிக்கு தகுதி பெற்றார் இந்திய வீரர் நீரஜ் சோப்ரா.

 

ஆஸ்திரேலியா ஓபன் (ஜனவரி 20 முதல் பிப்ரவரி 2): கிராண்ட் ஸ்லாம் டென்னிசில் வருடத்தின் முதல் போட்டியான ஆஸ்திரேலியா ஓபன் மெல்போர்ன் நகரில் நடைபெற்றது. ஆண்கள் ஒற்றையர் பிரிவில் செர்பிய வீரர் நோவக் ஜோகோவிச் சாம்பியன் பட்டம் வென்றார். பெண்கள் ஒற்றையர் பிரிவில் அமெரிக்காவின் சோபியா கெனின் சாம்பியன் ஆனார்.

 

பிப்ரவரி 5: ஹாமில்டனில் இந்தியாவுக்கு எதிராக 348 ரன்களை எட்டியதன் மூலம் ஒருநாள் கிரிக்கெட்டில் நியூசிலாந்து அதிகபட்சமான இலக்கை எட்டி சாதனைப் படைத்தது.

 

பிப்ரவரி 7: கோபா டெல் ரே கால்பந்து தொடரின் காலிறுதியில் பார்சிலோனா, ரியல் மாட்ரிட் அணிகள் அதிர்ச்சி தோல்வி

 

பிப்ரவரி 9: தென்ஆப்பிரிக்காவில் நடைபெற்ற U19 உலக கோப்பையை இறுதிப் போட்டியில் இந்தியாவை வீழ்த்தி முதன்முறையாக சாம்பியன் பட்டத்தை வென்றது வங்காளதேசம்.

 

பிப்ரவரி 11- நியூசிலாந்துக்கு எதிரான டி20 தொடரை 3-0 என இழந்ததன் மூலம் 31 வருடத்திற்குப் பிறகு ஒயிட்வாஷ் ஆகி மோசமான சாதனையை பதிவு செய்தது இந்தியா.

 

பிப்ரவரி 12: பார்முலா-1 கார் பந்தயத்தில் ஷாங்காய் நகரில் ஏப்ரல் 19-ந்தேதி நடைபெற இருந்த சீனா கிராண்ட் பிரி பந்தயம் கொரோனா வைரஸ் பாதிப்பால் ஒத்திவைக்கப்பட்டுள்ளது.

 

பிப்ரவரி 18: ஐபிஎல் 2020 சீசன் மார்ச் 29-ந்தேதி தொடங்கும் என பிசிசிஐ தலைவர் கங்குலி அதிகாரப்பூர்வமாக அறிவித்தார்.

 

பிப்ரவரி 20: ஊழல் தடுப்பு பிரிவின் கீழ் உமர் அக்மலுக்கு பாகிஸ்தான் கிரிக்கெட் போர்டு தடை

 

பிப்ரவரி 21: சர்வதேச அளவில் மூன்று வடிவிலான கிரிக்கெட்டில் 100 போட்டிகளில் விளையாடிய முதல் வீரர் என்ற சாதனையை ராஸ் டெய்லர் படைத்துள்ளார். இந்தியாவுக்கு எதிரான 100-வது டெஸ்டில் களம் இறங்கிய டெய்லர் இந்த சாதனையை பதிவு செய்தார்.

 

பிப்ரவரி 21: இந்தியாவின் இடது கை சுழற்பந்து வீச்சாளரான பிரக்யான் ஓஜா அனைத்து வகை கிரிக்கெட்டில் இருந்தும் ஓய்வு

 

பிப்ரவரி 23: கால்பந்து வீரர் கிறிஸ்டியானோ ரொனால்டோ ஸ்பால் அணிக்கெதிராக விளையாடியதன் மூலம் 1000 போட்டிகளில் விளையாடி சாதனைப் படைத்துள்ளார்.

 

பிப்ரவரி 25: 19 வயதிற்கு உட்பட்டோருக்கான கிரிக்கெட் தொடரில் அருணாச்சல பிரதேசம் அணிக்கெதிராக சண்டிகர் வீராங்கனை காஷ்வீ கவுதம் 10 விக்கெட்டுகளையும் வீழ்த்தி சாதனைப் படைத்துள்ளார்.

 

பிப்ரவரி 26: நட்சத்திர டென்னிஸ் வீராங்கனையாக திகழ்ந்த 32 வயதான ரஷியாவின் மரியா ஷரபோவா ஓய்வு பெறுவதாக அறிவித்தார்.

 

பிப்ரவரி 28: கொரோனா வைரஸ் தொற்று காரணமாக முதன்முறையாக இத்தாலியில் ‘செரி ஏ’ லீக் கால்பந்து போட்டிகள் மூடிய மைதானத்திற்குள் நடைபெறும் என அறிவிக்கப்பட்டது.

 

மார்ச் 01: துபாயில் கொரோனா வைரஸ் பாதிப்பு இருந்ததால் 3-ந்தேதி நடக்க இருக்கும் கூட்டத்தை பிசிசிஐ தலைவர் கங்குலி புறக்கணித்தார்.

 

மார்ச் 04: இலங்கைக்கு எதிரான முதல் டி20 போட்டியில் விளையாடியதன் மூலம் 500 போட்டிகளில் விளையாடிய முதல் வீரர் என்ற சாதனையை படைத்தார் பொல்லார்ட்.

 

மார்ச் 05: போலி பாஸ்போர்ட் உடன் பராகுவேயில் சிக்கிய கால்பந்து ஜாம்பவான் ரொனால்டினோ

 

மார்ச் 08: ஜோர்டானில் நடைபெற்ற ஆசிய ஒலிம்பிக் குவாலிபையர் குத்துச்சண்டை போட்டியில் அரையிறுதிக்கு முன்னேறியதன் மூலம் விகாஸ் கிருஷ்ணன், பூஜா ராணி ஒலிம்பிக் போட்டிக்கு தகுதி பெற்றனர்.

 

மார்ச் 08: பெண்களுக்கான டி20 உலக கோப்பை இறுதி போட்டி மெல்போர்ன் மைதானத்தில் நடைபெற்றது. ஆஸ்திரேலியா 184 ரன்கள் குவித்தது. பின்னர் 185 ரன்கள் அடித்தால் வெற்றி என்ற இலக்குடன் களம் இறங்கிய இந்தியா 99 ரன்னில் சுருண்டு 85 ரன்னில் தோல்வியைத் தழுவி சாம்பியன் பட்டத்தை தவறவிட்டது.

 

மார்ச் 10: ஆசிய தகுதி சுற்று குத்துச்சண்டை போட்டியில் அரையிறுதிக்கு முன்னேறிய இந்திய வீராங்கனை மேரிகோம்  ஒலிம்பிக் போட்டிக்கு தகுதி பெற்றார்.

 

மார்ச் 10: இங்கிலீஷ் பிரிமீயர் லீக் கால்பந்து போட்டி கொரோனா வைரஸ் தொற்றால் ஒத்திவைக்கப்பட்டது. அதன்பின் ஐரோப்பிய நாடுகளில் நடைபெறும் கால்பந்து லீக் அனைத்தும் ஒத்திவைக்கப்பட்டன.

 

மார்ச் 12:  இந்தியா – தென்ஆப்பிரிக்கா கிரிக்கெட் தொடர் கொரோனா தொற்றால் ரத்து செய்யப்பட்டது.

 

மார்ச் 13: இலங்கையில் இங்கிலாந்து கிரிக்கெட் அணி பயிற்சி ஆட்டத்தை இடையில் ரத்து செய்து அவசரமாக சொந்த நாடு திரும்பியது. இதற்குப் பிறகு கிரிக்கெட் தொடர்கள் அனைத்தும் ஒத்திவைக்கப்பட்டன.

 

மார்ச் 13: கொரோனா வைரஸ் தொற்று பரவல் காரணமாக ஐபிஎல் கிரிக்கெட் போட்டிகள் ஏப்ரல் 15-ந்தேதிக்கு ஒத்திவைப்பு

 

மார்ச் 13: ரஞ்சி டிராபி இறுதி போட்டி டிராவில் முடிந்த நிலையில், முதல் இன்னிங்ஸ் முன்னிலை அடிப்படையில் சவுராஷ்டிரா அணி முதன்முறையாக சாம்பியன் பட்டம் வென்றது. பெங்கால் அணி ஏமாற்றம் அடைந்தது.

 

மார்ச் 13: இந்தியா – தென்ஆப்பிரிக்கா போட்டிகள் ரத்து என அதிரடி அறிவிப்பு. 2-வது போட்டி லக்னோவில் 15-ந்தேதியும், 3-வது மற்றும் கடைசி போட்டி கொல்கத்தாவில் 18-ந்தேதியும் நடைபெற இருந்தது. 12-ந்தேதி இமாச்சல பிரதேசத்தில் நடைபெற இருந்த ஆட்டம் மழையால் போட்டி கைவிடப்பட்டது.

 

மார்ச் 17: கொரோனா பீதி: பாகிஸ்தான் சூப்பர் லீக் அரையிறுதி, இறுதி போட்டிகள் ரத்து 17 அரையிறுதி. 18 இறுதிப் போட்டி.

 

மார்ச் 23: சுரேஷ் ரெய்னா – பிரியங்கா ஜோடிக்கு ஆண்குழந்தை பிறந்தது. அந்தக் குழந்தைக்கு ரியோ எனப் பெயரிட்டுள்ளனர். சுரேஷ் ரெய்னா – பிரியங்கா ஜோடிக்கு ஏற்கனவே கடந்த 2016-ம் ஆண்டு பெண் குழந்தை பிறந்தது.

 

மார்ச் 24: உலகின் மிகப்பெரிய போட்டியாக கருதப்படும் ஒலிம்பிக் போட்டி இந்த ஆண்டு ஜப்பான் டோக்கியோ நகரில் ஜூலை மாதம் 24-ந்தேதி முதல் ஆகஸ்ட் மாதம் 9-ந்தேதி வரை நடைபெற இருந்தது.

 

 

ஏப்ரல் 02: 134-வது விம்பிள்டன் டென்னிஸ் தொடர் ஜூன் 29-ந்தேதி முதல் ஜூலை 12-ந்தேதி வரை லண்டனில் நடத்தப்பட இருந்தது. கொரோனா தொற்றால் போட்டி ரத்து செய்யப்பட்டதாக அறிவிக்கப்பட்டது. 2-வது உலகப்போருக்குப்பின் முதன்முறையாக விம்பிள்டன் டென்னிஸ் போட்டி ரத்து செய்யப்பட்டுள்ளது.

 

ஏப்ரல் 06: ஆஸ்திரேலிய சுழற்பந்து வீச்சாளர் ஸ்டீவ் ஓ’கீபே முதல்தர கிரிக்கெட்டில் இருந்து ஓய்வு.

 

ஏப்ரல் 15: ஐபிஎல் சீசன் 2020 காலவரையின்றி ஒத்திவைப்பு என அணிகளிடம் தெரிவித்தது பிசிசிஐ

 

கொரோனா வைரஸ் தொற்றின் தாக்கம் அதிகமானதால் ஏப்ரல் மற்றும் மே மாதங்களில் விளையாட்டு போட்டிகள் அனைத்தும் முற்றிலுமாக நிறுத்தி வைக்கப்பட்டது.

 

ஜூன் 3-ந்தேதி மீண்டும் தொடங்கப்பட்ட பண்டேஸ்லிகா கால்பந்து லீக்கில் பேயர்ன் முனிச் சாம்பியன் பட்டம் வென்றது.

 

மார்ச் மாதம் நிறுத்தப்பட்ட கிரிக்கெட் போட்டிகள் மீண்டும் ஜூன் 8-ந்தேதியில் இருந்து தொடங்கியது. இங்கிலாந்தில் மீண்டும் இங்கிலாந்து – வெஸ்ட் இண்டீஸ் அணிகளுக்கு இடையில் பயோ-செக்யூர் வளையத்திற்குள் வீரர்கள் கொண்டு வரப்பட்டு வெற்றிகரமாக டெஸ்ட் தொடர் நடத்தப்பட்டது.

 

ஜூன் 11-ந்தேதி மீண்டும் தொடங்கப்பட்ட லா லிகாவில் ரியல் மாட்ரிட் அணி சாம்பியன் பட்டம் வென்றது.

 

ஜூன் மதம் 17-ந்தேதி இங்கிலீஷ் பிரிமீயர் லீக் கால்பந்து போட்டிகள் மீண்டும் தொடங்கப்பட்டது. லிவர்பூல் அணி 30 வருடங்களுக்குப்பின் சாம்பியன் பட்டம் வென்றது.

 

 

ஆகஸ்ட் 07: அக்டோபர் 18-ந்தேதி முதல் நவம்பர் 15-ந்தேதி வரை நடைபெற இருந்த டி20 உலகக் கோப்பை ஒத்தி வைக்கப்பட்டதாக ஐசிசி அதிகாரப்பூர்வமாக அறிவிப்பு

 

ஆகஸ்ட் 15: இந்திய அணியின் சாதனைக் கேப்டனாக திகழ்ந்த எம்.எஸ். டோனி தனது சர்வதேச கிரிக்கெட் ஓய்வை அறிவித்தார். ஏற்கனவே டெஸ்ட் போட்டியில் இருந்து ஓய்வு பெற்ற அவர், ஒயிட்-பால் கிரக்கெட்டான ஒருநாள் மற்றும் டி20 கிரிக்கெட்டில் இருந்து ஓய்வு பெற்றார்.

 

 

ஆகஸ்ட் 31-ந்தேதி முதல் செப்டம்பர் 13-ந்தேதி வரை நடைபெற்ற அமெரிக்க ஓபனில் டொமினிக் தீம் அலெக்சாண்டர் ஸ்வெரேவ்-ஐ வீழ்த்தி சாம்பியன் பட்டம் வென்றார். பெண்கள் ஒற்றையர் பிரிவில் விக்டோரியா அஸரெங்காவை வீழ்த்தி நவோமி ஒசாகா சாம்பியன் பட்டம் வென்றார்.

 

செப்டம்பர் 19 முதல் நவம்பர் 10: ஒத்திவைக்கப்பட்ட ஐபிஎல் 13-வது சீசன் செப்டம்பர் 19-ந்தேதியில் இருந்து நவம்பர் 10-ந்தேதி வரை ஐக்கிய அரபு அமீரகத்தில் ரசிகர்கள் இன்றி நடத்தப்பட்டது. நவம்பர் 10-ந்தேதி நடைபெற்ற  இறுதிப் போட்டியில் மும்பை  இந்தியன்ஸ் – டெல்லி கேப்பிட்டல்ஸ் அணிகள் பலப்பரீட்சை நடத்தின. இதில் மும்பை இந்தியன்ஸ் அணி வெற்றி பெற்று 5-வது முறையாக சாம்பியன் பட்டம் வென்றது.

 

 

கிராண்ட் ஸ்லாம் டென்னிசில் ஒன்றான பிரெஞ்ச் ஓபன் செப்டம்பர் 27-ந்தேதி தொடங்கியது. 11-ந்தேதி வரை நடைபெற்றதில் ஆண்கள் ஒற்றையர் பிரிவில் நடால் ஜோகோவிச்சை வீழ்த்தி சாம்பியன் பட்டம் வென்றார். 13-வது முறையாக பிரெஞ்ச் ஓபனை வென்ற நடால், அதிக முறை கிராண்ட் ஸ்லாம் பட்டத்தை வென்ற பெடரர் சாதனையை சமன் செய்துள்ளார். இந்தத் தொடரில் நடால் ஒரு செட்டை கூட இழக்கவில்லை என்பது குறிப்பிடத்தக்கது. பெண்களுக்கான ஒற்றையர் பிரிவில் சோபியா கெனின்-ஐ வீழ்த்தி இகா ஸ்வியாடெக் சாம்பியன் பட்டம் வென்றார்.

 

 

நவம்பர் 17 முதல் நவம்பர் 20 வரை: அடிலெய்டில் நடைபெற்ற பகல்-இரவு டெஸ்ட் போட்டியில் ஆஸ்திரேலியாவுக்கு எதிராக 2-வது இன்னிங்சில் இந்தியா 36 ரன்னில் சுருண்டு, மிகவும் குறைந்த ஸ்கோரில் சுருண்ட இந்திய அணி என்ற மோசமான சாதனையை பதிவு செய்தது. சர்வதேச அளவில் ஒரு வீரர் கூட இரட்டை இலக்க ரன்னை தாண்டாத 2-வது ஆட்டம் என கரும்புள்ளியும் குத்தப்பட்டது.

 

ஜூலை 5-ந்தேதியில் இருந்து டிசம்பர் 13-ந்தேதி வரை நடைபெற்ற பார்முலா 1 கார்பந்தயத்தில் இங்கிலாந்து வீரர் லீவிஸ் ஹாமில்டன் சாம்பியன் பட்டம் வென்று சாதனைப்படைத்தார். இது அவரின் 7-வது சாம்பியன் பட்டம் ஆகும். இதன்மூலம் முன்னாள் சாம்பியன் ஜூமாக்கரின் சாதனையை சமன் செய்தார்.