TAMIL
ஒரு நாள் கிரிக்கெட் போட்டியில் இருந்து டோனி விரைவில் ஓய்வு பெறுவார் பயிற்சியாளர் ரவிசாஸ்திரி தகவல்
இந்திய கிரிக்கெட் அணியின் தலைமை பயிற்சியாளர் ரவிசாஸ்திரி அளித்த ஒரு பேட்டியில் கூறியதாவது:-
இந்திய மூத்த வீரர் டோனியிடம் அவரது எதிர்காலம் குறித்து விவாதித்தேன். அந்த விஷயங்களை வெளிப்படையாக சொல்ல முடியாது.
மூன்று வடிவிலான கிரிக்கெட்டிலும் இந்திய அணிக்காக நீண்ட காலம் விளையாடியவர் டோனி. அவரது முடிவுகளுக்கு நாம் மதிப்பு அளிக்க வேண்டும்.
டெஸ்ட் கிரிக்கெட்டில் இருந்து ஏற்கனவே ஓய்வு பெற்று விட்டார். ஒரு நாள் கிரிக்கெட்டில் இருந்தும் விரைவில் விடைபெற்று விடுவார்.
தற்போதைய அவரது வயதுக்கு அனேகமாக 20 ஓவர் வடிவிலான போட்டியில் விளையாட மட்டுமே விரும்புவார்.
எனவே ஐ.பி.எல். கிரிக்கெட்டில் நிச்சயம் விளையாடுவார்.
அதன் பிறகு அவரது உடல் எந்த அளவுக்கு ஒத்துழைக்கிறது என்பதை பார்க்க வேண்டும்.
