ஐ.எஸ்.எல்.கால்பந்து: மும்பைக்கு சென்னை எப்.சி. பதிலடி கொடுக்குமா? இன்று மீண்டும் பலப்பரீட்சை

11 அணிகள் பங்கேற்கும் 7-வது ஐ.எஸ்.எல். (இந்தியன் சூப்பர் லீக்) கால்பந்து போட்டி கோவாவில் நடைபெற்று வருகிறது.

ஒவ்வொரு அணியும் மற்ற அணிகளுடன் தலா 2 முறை மோத வேண்டும். லீக் முடிவில் புள்ளிகள் அடிப்படையில் முதல் 2 இடங்களை பிடிக்கும் அணிகள் அரை இறுதிக்கு தகுதிபெறும்.

2 முறை சாம்பியனான சென்னையின் எப்.சி. தொடக்க ஆட்டத்தில் 2-1 என்ற கோல் கணக்கில் ஜாம்செட்பூரை தோற்கடித்தது. கேரளா பிளாஸ்டர்சுடன் மோதிய 2-வது ஆட்டம் கோல் எதுவுமின்றி டிரா ஆனது.

3-வது போட்டியில் பெங்களூருவிடம் 0-1 என்ற கணக்கிலும், 4-வது ஆட்டத்தில் மும்பையுடன் 1-2 என்ற கணக்கிலும் தோற்றது. 5-வது போட்டியில் கவுகாத்தி அணியுடன் கோல் எதுவுமின்றி டிரா செய்தது.

6-வது ஆட்டத்தில் கோவாவை 2-1 என்ற கணக்கில் வீழ்த்தியது. 7-வது போட்டியில் ஈஸ்ட் பெங்காலுடன் 2-2 என்ற கணக்கிலும், 8-வது ஆட் டத்தில் ஏ.டி.கே.மோகன் பாகனுடன் கோல் எதுவு மின்றியும் டிரா செய்தது. 9-வது ஆட்டத்தில் 1-4 என்ற கோல் கணக்கில் ஐதராபாத்திடம் தோற்றது.

10-வது போட்டியில் ஒடிசாவுடன் கோல் எதுவுமின்றி டிரா செய்தது. 11-வது ஆட்டத்தில் ஒடிசாவை 2-1 என்ற கணக்கில் வீழ்த்தியது. 12-வது ஆட்டத்தில் ஈஸ்ட் பெங்காலுடன் கோல் எதுவுமின்றி டிரா செய்தது. 13-வது போட்டியில் 0-1 என்ற கோல் கணக்கில் மோகன் பகானிடம் தோற்றது.

சென்னையின் எப்.சி. 13 ஆட்டத்தில் விளையாடி 3 வெற்றி, 6 டிரா, 4 தோல்வியுடன் 15 புள்ளிகள் பெற்று 6-வது இடத்தில் உள்ளது.

சென்னையின் எப்.சி. 14-வது ஆட்டத்தில் மும்பை சிட்டி அணியை இன்று மீண்டும் சந்திக்கிறது. இரவு 7.30 மணிக்கு இந்த ஆட்டம் நடக்கிறது.

சென்னை அணி மும்பையை வீழ்த்தி 4-வது வெற்றியை பெறுமா? என்று ஆவலுடன் எதிர்பார்க்கப்படுகிறது.

மும்பை அணியிடம் ஏற்கனவே தோற்று இருந்தது. இதற்கு சென்னை எப்.சி. பதிலடி கொடுக்குமா? என்ற எதிர்பார்ப்பும் ரசிகர்கள் மத்தியில் இருக்கிறது.

மும்பை அணி 9 வெற்றி, 2 டிரா, 1 தோல்வியுடன் 29 புள்ளிகள் பெற்று முதல் இடத்தில் உள்ளது. அந்த அணி சென்னையை மீண்டும் வீழ்த்தி 10-வது வெற்றியை பெறும் வேட்கையில் உள்ளது.