ஐபிஎல் கிரிக்கெட் போட்டி கடந்த 9-ந்தேதி தொடங்கியது. சென்னை, மும்பை வான்கடேயில் முதல்கட்ட போட்டிகள் நடைபெற்றன. இதுவரை 8 அணிகளும் தலா ஐந்து போட்டிகளில் விளையாடியுள்ளன.
முதல் நான்கு போட்டிகளில் ஆர்சிபி தொடர்ந்து வெற்றி பெற்று புள்ளிகள் பட்டியலில் முதல் இடம் பிடித்திருந்தது. நேற்று சென்னை சூப்பர் கிங்ஸ் அணிக்கெதிராக 69 ரன் வித்தியாசத்தில் படுதோல்வியடைந்தது. இதன்மூலம் சென்னை சூப்பர் கிங்ஸ், ஆர்சிபி அணிகள் தலா நான்கு வெற்றிகள் பெற்றன. இதற்கிடையில் சன்ரைசர்ஸ் ஐதராபாத் அணியை சூப்பர் ஓவரில் டெல்லி கேப்பிட்டல்ஸ் வீழ்த்தியது. இதனால் டெல்லி அணியியும் ஐந்து போட்டிகளில் நான்கில் வெற்றி பெற்றுள்ளது.
மூன்று அணிகள் 8 புள்ளிகள் பெற்ற நிலையில், அடிப்படையில் சென்னை சூப்பர் கிங்ஸ் (+1.612) முதலிடம் பெற்றுள்ளது. டெல்லி கேப்பிட்டல்ஸ் (+0.334) 2-வது இடத்தையும், ஆர்சிபி (+0.096) 3-வது இடத்தையும் பிடித்துள்ளது.
மும்பை இந்தியன்ஸ், பஞ்சாப் கிங்ஸ், ராஜஸ்தான் ராயல்ஸ் அணிகள் தலா இரண்டு போட்டிகளில் வெற்றி பெற்றுள்ளது. மூன்று அணிகளுக்கிடையிலா ரன்ரேட் அடிப்படையில் மும்பை இந்தியன்ஸ், பஞ்சாப் கிங்ஸ், ராஜஸ்தான் ராயல்ஸ் முறையே 4 முதல் 6 இடங்களை பிடித்துள்ளன.
சன்ரைசர்ஸ் ஐந்தில் ஒரு வெற்றி மட்டுமே பெற்று 7-வத இடத்திலும், கொல்கத்தா நைட் ரைடர்ஸ் ஐந்தில் ஒரு வெற்றி பெற்று கடைசி இடத்திலும் உள்ளன.
