ஐபிஎல் ஏலத்தில் இலங்கை வீரர் மேத்யூஸ் நிர்ணயித்திருக்கும் விலை இத்தனை கோடியா? வெளியான தகவல்

ஐபிஎல் ஏலத்தில் வெளிநாடுகளை சேர்ந்த ஏழு வீரர்கள் அதிகபட்சமாக 2 கோடி வரை உள்ள நிலையில், இந்த பட்டியலில் இலங்கையை சேர்ந்த ஏஞ்சலோ மேத்யூஸ் உள்ளார்.

இந்தியாவில் ஒவ்வொரு ஆண்டும் நடைபெற்று வரும் உள்ளூர் தொடரான ஐபிஎல் தொடர் அடுத்தாண்டு நடைபெறவுள்ளது இதற்கான வீரர்களின் ஏலம் வரும் 19-ஆம் திகதி கொல்கத்தாவில் நடைபெறும் என அறிவிக்கப்பட்டுள்ளது.

இந்த ஏலத்திற்காக மொத்தம் 997 வீரர்கள் பதிவு செய்திருந்தனர்.



இதில் 337 வீரர்கள் மட்டுமே ஏலத்திற்காக தெரிவு செய்யப்பட்டு பட்டியலிடப்பட்டுள்ளனர்.

இதில் 186 இந்திய வீரர்களும், 143 வெளிநாட்டு வீரர்களும், மேலும் மூன்று பேர் இணை நாடுகளை சேர்ந்தவர்களும் இடம்பெற்றுள்ளனர்.

வீரர்களின் விலை மதிப்பு அதிகபட்சம் 2 கோடி ரூபாயாகவும், குறைந்தபட்சம் 50 லட்சமாகவும் பட்டியலிடப்பட்டுள்ளது. இதில் 2 கோடி மதிப்பில் வெளிநாடுகளை சேர்ந்த 7 வீரர்கள் இடம்பெற்றுள்ளனர்.



அதில் அவுஸ்திரேலியாவை சேர்ந்த பட் கம்மின்ஸ், ஜோஸ் ஹஸ்ல்வுட், கிரிஸ் லின், மிட்ஜெல் மார்ஸ் மற்றும் மேக்ஸ்வெல்
ஆகியோரும், தென்னாப்பிரிக்காவை டேல் ஸ்டின் மற்றும் இலங்கை சேர்ந்த ஏஞ்சலோ மேத்தீவ்ஸ் ஆகியோர் உள்ளனர்.

இதற்கு அடுத்தபடியாக, இந்தியாவைச் சேர்ந்த ராபின் உத்தப்பா 1.5 கோடி ரூபாய் மதிப்பிலும், பியூஸ் சாவ்லா, யூசுப் பதான், ஜெயதேவ் உனாட்கட் ஆகியோர் 1 கோடி ரூபாய் மதிப்பிலும் பட்டியலிடப்பட்டுள்ளனர்.

மேலும் கிரிக்கெட் செய்திகளைப் படிக்க இங்கே அழுத்தவும்