இந்தியா-இலங்கை அணிகள் மோதும் முதலாவது 20 ஓவர் கிரிக்கெட்: டாஸ் வென்ற இந்திய அணி பந்துவீச்சு தேர்வு

மலிங்கா தலைமையிலான இலங்கை கிரிக்கெட் அணி மூன்று ஆட்டங்கள் கொண்ட 20 ஓவர் போட்டி தொடரில் விளையாடுவதற்காக இந்தியா வந்துள்ளது.

இதில் இந்தியா-இலங்கை அணிகள் இடையிலான முதலாவது 20 ஓவர் கிரிக்கெட் போட்டி அசாம் மாநிலம் கவுகாத்தியில் உள்ள பார்சாபாரா ஸ்டேடியத்தில் இன்று (ஞாயிற்றுக்கிழமை) இரவு நடக்கிறது.



கவுகாத்தியில் நடைபெறும் இந்த முதல் ஆட்டத்தில் டாஸ் வென்ற இந்தியக் கேப்டன் விராட் கோலி முதலில் பந்துவீச்சைத் தேர்வு செய்துள்ளார். மழையின் காரணமாக போட்டி தாமதம் ஏற்பட்டுள்ளது.

இந்த ஆண்டில் இந்திய கிரிக்கெட் அணி விளையாடும் முதல் போட்டி இது என்பதால் அதிக எதிர்பார்ப்பு நிலவுகிறது.

கடந்த ஆண்டில் சிறப்பாக செயல்பட்ட இந்திய அணி இந்த ஆண்டிலும் அசத்தும் என்று நம்பலாம். ஆஸ்திரேலியாவில் அக்டோபர் மாதம் தொடங்க இருக்கும் 20 ஓவர் உலக கோப்பை போட்டிக்கு இந்திய அணியை வலுப்படுத்தும் நடவடிக்கைக்கு இந்த போட்டி தொடர் ஒரு படிக்கட்டாக பார்க்கப்படுகிறது.