இந்தியா, இங்கிலாந்து 20 ஓவர் கிரிக்கெட் – எஞ்சிய 3 போட்டிகளை காண ரசிகர்களுக்கு அனுமதி இல்லை

இங்கிலாந்து அணி இந்தியாவில் சுற்றுப்பயணம் செய்து டெஸ்ட், ஒருநாள் மற்றும் 20 ஓவர் கிரிக்கெட் என அனைத்து விதமான தொடரில் விளையாடுகிறது. முதலில் நடைபெற்ற டெஸ்ட் தொடரில் இந்தியா 3-1 என்ற கணக்கில் அபாரமாக தொடரை கைப்பற்றியது.

 

தற்போது 5 போட்டிகள் கொண்ட 20 ஓவர் கிரிக்கெட் தொடர் குஜராத் மாநிலம் அகமதாபாத்தில் உள்ள நரேந்திர மோடி மைதானத்தில் நடைபெற்று வருகிறது. இரண்டு போட்டிகள் முடிந்துள்ள நிலையில் 1-1 என இரு அணிகளும் சமனிலை வகிக்கிறது.

 

இதுதொடர்பாக குஜராத் கிரிக்கெட் வாரியம் வெளியிட்டுள்ள அறிக்கையில், கொரோனா வைரஸ் பரவலை கருத்தில் கொண்டு இந்தியா, இங்கிலாந்து அணிகளுக்கு இடையிலான மீதமுள்ள 3 போட்டிகளில் பார்வையாளர்களுக்கு அனுமதி இல்லை. இந்த போட்டிகளைக் கான் டிக்கெட் வாங்கியவர்களின் கட்டணம் திரும்ப அளிக்கப்படும் என தெரிவித்துள்ளது.

 

புனேயில் நடைபெற உள்ள 3 ஒருநாள் கிரிக்கெட் போட்டிகளுக்கும் ரசிகர்கள் அனுமதிக்கப்படவில்லை என்பது குறிப்பிடத்தக்கது.