ஆண்டிகுவா டெஸ்டில் கார்ன்வெல் அரை சதம் – 2ம் நாள் முடிவில் வெஸ்ட் இண்டீஸ் 268/8

இலங்கை மற்றும் வெஸ்ட் இண்டீஸ் அணிகளுக்கு இடையிலான முதல் டெஸ்ட் போட்டி ஆண்டிகுவாவில் நடைபெற்று வருகிறது.

டாஸ் வென்ற வெஸ்ட் இண்டீஸ் அணி முதலில் பந்து வீச்சை தேர்வு செய்தது. அதன்படி இலங்கை முதலில் களமிறங்கியது.

இலங்கை அணியின் தொடக்க ஆட்டக்காரர் திரிமன்னே மட்டும் அரை சதமடித்து 70 ரன்னில் அவுட்டானார்.
விக்கெட் கீப்பர் டிக்வெல்லா 32 ரன்கள் சேர்த்து ஆட்டமிழந்தார். இறுதியில், இலங்கை அணி 69.4 ஓவரில் 169 ரன்களுக்கு ஆல் அவுட்டானது.

வெஸ்ட் இண்டீஸ் சார்பில் ஜேசன் ஹோல்டர் 5 விக்கெட்டும், ரோச்3 விக்கெட்டும் கைப்பற்றினர். இதையடுத்து,
இதையடுத்து, வெஸ்ட் இண்டீஸ் அணி முதல் இன்னிங்சை ஆடியது. தொடக்க ஆட்டக்காரர்களாக பிராத்வெயிட் மற்றும் கேம்ப்பெல் களமிறங்கினர்.

பிராத்வெயிட் 3 ரன்னிலும், பானர் 31 ரன்னிலும், கேம்ப்பெல் 42 ரன்னிலும், கைல் மேயர்ஸ் 45 ரன்னிலும் அவுட்டாகினர்.

ஒரு கட்டத்தில் வெஸ்ட் இண்டீஸ் அணி 7 விக்கெட்டுக்கு 179 ரன்கள் எடுத்து திணறியது. விக்கெட் கீப்பர் ஜோஷ்வா டி சில்வா, ரக்கீம் கார்ன்வெல் ஜோடி 8வது விக்கெட்டுக்கு 90 ரன்கள் சேர்த்து அசத்தியது.

இரண்டாம் நாள் ஆட்ட முடிவில் வெஸ்ட் இண்டீஸ் அணி 8 விக்கெட் இழப்புக்கு 268 ரன்கள் எடுத்துள்ளது. இலங்கை அணியை விட தற்போது 99 ரன்கள் அதிகம் எடுத்துள்ளது வெஸ்ட் இண்டீஸ். கார்ன்வெல் 60 ரன்னுடன் ஆட்டமிழக்காமல் களத்தில் உள்ளார்.

இலங்கை அணி சார்பில் சுரங்கா லக்மல் 5 விக்கெட்டும், துஷ்மந்த சமீரா 2 விக்கெட்டும் வீழ்த்தினர்.