அவுஸ்திரேலியாவுக்கு சரியான சவால் கொடுக்கும் அணி இந்தணி தான்… ஒப்பனாக சொன்ன மைக்கல் வாகன்

இங்கிலாந்து அணியின் முன்னாள் வீரரான மைக்கல் வாகன், அவுஸ்திரேலியாவுக்கு நெருக்கடி கொடுக்கும் அணி என்றால் அது இந்திய அணி மட்டுமே என்று இங்கிலாந்து அணியின் முன்னாள் வீரர் மைக்கல் வாகன் கூறியுள்ளார்.

ஐசிசி டெஸ்ட் போட்டி தரவரிசைக்கான அணிகளின் பட்டியலில், இந்தியா முதலிடத்திலும், நியூசிலாந்து 2-வது இடத்திலும் மூன்றாவது இடத்தில் தென் ஆப்பிரிக்கா, இதைத் தொடர்ந்து இங்கிலாந்து, அவுஸ்திரேலியா போன்ற அணிகள் உள்ளன.

இந்நிலையில் இது குறித்து கூறிய வாகன், ஐசிசி ரேங்க்கிங் ஒரு குப்பை போன்றது.

இது என்னுடைய நேர்மையான கருத்து, ஏனெனில் கடந்த 2 ஆண்டுகளில் நியூசிலாந்து ஒரு சில தொடர்களில் மட்டுமே வெற்றி
பெற்றுள்ளது அதனால் இரண்டாவது இடத்தில் இருப்பது என்னை பொறுத்தவரை சரியான இடமல்ல.

அதேபோன்று இங்கிலாந்து சொல்லிக்கொள்ளும் அளவிற்கு செயல்படவில்லை என்னை பொறுத்தவரை டெஸ்ட் கிரிக்கெட்டில் சிறப்பான அணிகள் என்றால் அது இந்தியா மற்றும் அவுஸ்திரேலியா அணிகள் மட்டும்தான்.

அவுஸ்திரேலியாவை அவுஸ்திரேலிய, மண்ணில் வைத்து நெருக்கடி கொடுக்கும் ஒரே அணி என்றால் அது இந்திய அணி மட்டும்தான் என்று கூறியுள்ளார்.

மேலும் கிரிக்கெட் செய்திகளைப் படிக்க இங்கே அழுத்தவும்