சிட்னி டெஸ்ட் போட்டிக்கான இந்திய அணி அறிவிப்பு- நடராஜன் இல்லை

ஆஸ்திரேலியா – இந்தியா கிரிக்கெட் அணிகளுக்கு இடையில் நான்கு போட்டிகள் கொண்ட டெஸ்ட் தொடர் நடைபெற்று வருகிறது. முதல் இரண்டு டெஸ்ட் போட்டிகள் முடிவில் இரு அணிகளும் தலா ஒரு வெற்றி பெற்றுள்ளது. மூன்றாவது போட்டி சிட்னியில் நாளை தொடங்குகிறது.

இந்நிலையில், 3-வது டெஸ்ட் போட்டியில் பங்கேற்கும் இந்திய வீரர்கள் பட்டியல் இன்று வெளியிடப்பட்டது. காயத்திலிருந்து குணமடைந்த ரோகித் சர்மா, டெஸ்ட் அணியின் துணை கேப்டனாக சேர்க்கப்பட்டுள்ளார். தமிழக வீரர் நடராஜனுக்கு வாய்ப்பு வழங்கப்படவில்லை. நவ்தீப் சைனி அறிமுகமாகிறார்.
ரஹானே தலைமையிலான இந்திய அணியில் ரோகித் சர்மா (துணை கேப்டன்), ஷுப்மான் கில், புஜாரா, விஹாரி, ரிஷப் பண்ட்(விக்கெட் கீப்பர்), ஜடேஜா, அஸ்வின், பும்ரா, சிராஜ், நவ்தீப் சைனி ஆகியோர் இடம்பெற்றுள்ளனர்.