TAMIL

மேற்கிந்திய தீவுகளுக்கு எதிரான ஒரு நாள் தொடரிலிருந்து இந்திய நட்சத்திர வீரர் விலகல்

மேற்கிந்திய தீவுகளுக்கு எதிரான ஒரு நாள் தொடரிலிருந்து இந்திய வீரர் ஷிகர் தவான் விலக உள்ளதாக தகவல்கள் வெளியாகியுள்ளது.

இந்தியாவுக்கு சுற்றுப்பயணம் மேற்கொண்டுள்ள மேற்கிந்திய தீவுகள் 3 போட்டிகள் கொண்ட டி-20 மற்றும் ஒரு நாள் தொடரில் விளையாட திட்டமிட்டுள்ளது.



இரண்டு டி-20 போட்டிகள் முடிந்துள்ள நிலையில் இரு அணிகளும் தலா 1 போட்டியில் வெற்றிப்பெற்றுள்ளன. நாளை 3வது டி-20 போட்டி நடைபெறவுள்ளது.

இரு அணிகளுக்கும் இடையேயான முதல் ஒரு நாள் போட்டி டிசம்பர் 15ம் திகதி தொடங்கவுள்ளது.



இந்நிலையில், மேற்கிந்திய தீவுகளுக்கு எதிரான டி-20 மற்றும் ஒரு நாள் தொடருக்கான இந்திய அணியில் இடம் பிடித்த ஷிகர் தவான், முழங்கால் காயம் காரணமாக டி-20 தொடரிலிருந்து விலகினார்.

தற்போது, காயம் குணமடையாததால் ஷிகர் தவான் ஒரு நாள் தொடரிலிருந்து விலகவுள்ளதாக தகவல்கள் வெளியாகியுள்ளது.

மேலும் கிரிக்கெட் செய்திகளைப் படிக்க இங்கே அழுத்தவும்

Related Articles

Close