TAMIL

முத்தரப்பு ஜூனியர் ஆக்கி: இந்திய பெண்கள் அணி முதலிடம்

முத்தரப்பு பெண்கள் ஜூனியர் ஆக்கித் தொடர் (21 வயதுக்குட்பட்டோர்) ஆஸ்திரேலியாவின் கான்பெர்ரா நகரில் நடந்து வந்தது. இதில் நேற்று நடந்த கடைசி லீக்கில் இந்திய அணி, ஆஸ்திரேலியாவை எதிர்கொண்டது. 15-வது நிமிடத்தில் ஆஸ்திரேலியாவின் அபிகேல் வில்சன் பெனால்டி கார்னர் வாய்ப்பை பயன்படுத்தி கோல் அடித்தார். 28-வது நிமிடத்தில் ஆஸ்திரேலியாவின் ‘பெனால்டி’ வாய்ப்பை இந்திய கோல் கீப்பர் பிச்சு தேவி காரிபம் அபாரமாக தடுத்து நிறுத்தினார். ஆரம்பத்தில் சில கார்னர் வாய்ப்புகளை கோட்டை விட்ட நிலையில் 53-வது நிமிடத்தில் இந்திய மங்கை ககன்தீப் கவுர் பதில் கோல் திருப்பி சமனுக்கு கொண்டு வந்தார். ஆனால் மகிழ்ச்சி அதிக நேரம் நீடிக்கவில்லை.





அடுத்த 3-வது நிமிடத்தில் ஆஸ்திரேலியாவின் அபிகேல் வில்சன் மீண்டும் ஒரு கோல் போட்டு 2-1 என்ற கோல் கணக்கில் தங்கள் அணிக்கு வெற்றியை தேடித்தந்தார். லீக் சுற்று முடிவில் இந்தியா, ஆஸ்திரலியா தலா 7 புள்ளிகளுடன் (4 ஆட்டம்) சமநிலை வகித்தன.

இருப்பினும் கோல் வித்தியாசம் அடிப்படையில் இந்தியா முதலிடம் பிடித்து கோப்பையை தட்டிச்சென்றது. நியூசிலாந்து (3 புள்ளி) அணி கடைசி இடத்துக்கு தள்ளப்பட்டது.

Related Articles

Close

Adblock Detected

Please consider supporting us by disabling your ad blocker